Saudiya Arabistoni qiroli Salmon bin Abdulaziz al Saudning akasi — Mashaal bin Abdulaziz 3-may, chorshanba kuni 90 yoshida vafot etdi, deya xabar bermoqda “TASS” Arab News gazetasiga tayanib.
Shahzoda Mashaal bin Abdulaziz 1926-yilda tug‘ilgan. U Saudiya Arabistoni birinchi qiroli Abdulaziz al Saudning 14-o‘g‘li bo‘lgan. 1940 va 1950-yillarda shahzoda otasi tomonidan dastlab mudofaa vaziri o‘rinbosari, so‘ngra, mudofaa vaziri etib tayinlangan. 1960-yillarda u Makka gubernatori lavozimida ishlagan.
2009-yildan so‘ng shahzoda siyosatdan yiroqlashgan va shaxsiy hayotiga e’tiborini qaratgan.
Qirollik oilasi a’zosining dafn marosimi Makkada bo‘lib o‘tadi.
Izoh (0)