Ostonada Suriyadagi vaziyatni tartibga solish bo‘yicha ekspertlar darajasidagi maslahatlashuvlar 2-may kuni bo‘lib o‘tadi. Bu haqda Qozog‘iston tashqi ishlar vazirining birinchi o‘rinbosari Muxtor Tilayberdi ma’lum qildi, deya xabar bermoqda “TASS”.
“Ekspertlar uchrashuvi 2-may kuni Ostonada bo‘lib o‘tadi. Biz barcha tomonlarni — tinchlik kafili bo‘lgan davlatlar, Suriya hukumati va qurolli muxolifatni kutyapmiz. Buning uchun barcha tayyorgarlik ko‘rilgan”, — deya ta’kidladi vazir o‘rinbosari.
Shuningdek, Muxtor Tilayberdi Ostonadagi Suriyadagi vaziyat bo‘yicha xalqaro uchrashuv 3—4-may kuni yuqori darajada o‘tkazilishi va unda ham muzokaralarning barcha tomonlari ishtirok etishiga umid bildirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)