Amerikalik Karen Shibolet qo‘pollik qilingani va biznes-klassdagi joyidan samolyotning dum qismidagi o‘ringa o‘tirishga besabab majbur qilgani uchun United Airlines kompaniyasini sudga berdi. Bu haqda “TASS” xabar berdi.
Shiboletning so‘zlariga ko‘ra, hodisa 2016-yil sentabr oyida, AQShning Nyuark shahridan Londonga uchayotgan samolyot bortida yuz bergan.
Qiz biznes-klassdagi joy uchun uch ming dollar to‘lagan. Uning aytishicha, u biznes-klassga kirgach, salonda bir nechta bo‘sh joy borligini ko‘rgan.
Biroq parvozga o‘n daqiqa qolganida aeroportda ishlovchi aviakompaniya xodimasi samolyot bortiga kirgan va sababini tushuntirmasdan qizdan o‘z joyini bo‘shatib, samolyotning dum qismidagi joyga borib o‘tirishni talab qilgan.
Buning ustiga United Airlines xodimasi uning qo‘lidan tortib, salon bo‘ylab sudrab, samolyotning dum qismiga olib borgan. Shundan so‘ng qizni majburlab, uning ko‘z yoshlariga e’tibor qilmasdan, 21-qatorga joylashtirgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)