Toshkentdagi City Palace mehmonxonasida “Milliy marketing markazi” korxonalar assotsiatsiyasi va “Potrebitel.uz” hamjamiyati tomonidan tashkil etilgan Marketing premium 2017 tantanali marosimi bo‘lib o‘tdi. Bu haqda “Daryo”ga tadbir mutasaddilari ma’lum qildi.
Mazkur tadbir doirasida “Potrebitel.uz” hamjamiyatidagi marketing tadqiqotlari dasturining ilk yakunlari ko‘rib chiqildi. Bugungi kunda hamjamiyatda turli faoliyat yo‘nalishlarida 100 ga yaqin reytinglar bo‘lib, ularda eng yaxshi kompaniyalar uchun ovoz berish emas, balki tavsiyalar hisob-kitobi va muhokamalarda kompaniyalar nomi eslab o‘tilishi inobatga olinadi.
Nominatsiyalar bo‘yicha quyidagi g‘oliblar aniqlandi:
- Taom yetkazish bo‘yicha eng yaxshi servis — “Bringo.uz”;
- Internet-xizmatlarning eng yaxshi provayderi — TuronTelecom;
- Eng mazali pitssa — “Moskovskaya pitssa”;
- Tantanalar uchun eng yaxshi sozanadalar — “Sonata” va Temur Karimov;
- Raqs maydoniga ega eng yaxshi restoran — ChinaTown;
- Eng yaxshi karaoke — “Randevu”;
- Eng yaxshi elektron to‘lov tizimi — Payme;
- Eng ommabop taksi servisi — MyTaxi;
- Eng mashhur sharbat — Bliss;
- Eng yaxshi sushi va rollar — YaponaMama;
- Bayram dasturxoni uchun eng yaxshi sharbat — Viko;
- Eshiklar sotuvi bo‘yicha eng yaxshi savdo nuqtasi —HomeMarket;
- Basseynli eng yaxshi dam olish zonasi — Edem&Chimgan;
- Eng yaxshi kolbasa mahsulotlari — “Master Delikatesov”;
- Eng yaxshi bolalar oromgohi — HappySummer;
- Eng yaxshi yogurt — Kamilka;
- Eng yaxshi choy — Ahmad Tea.
ScalarisMedia kompaniyasi tomonidan ta’sis etilgan “Iste’molchilar bilan muloqot uchun” nominatsiyasida “Korzinka.uz”, NextMall, Beeline, Ucell va Uzonline vakillari yetakchilik qildi.
“Potrebitel.uz” reytinglarida peshqadamlik qilgan kompaniyalar rahbarlari va marketologlari hamjamiyatning maxsus esdalik nishonlari hamda diplomlari bilan taqdirlandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)