Qurollangan jinoyatchilar Meksikaning Sinaloa shtati, Navolato munitsipalitetida Al Jazeera telekanali suratga olish guruhini tunab ketdi. Bu haqda shtat prokuraturasi ma’lum qildi, deya xabar beradi “TASS”.
Buyuk Britaniya, Ispaniya va Meksika fuqarolari bo‘lgan jurnalistlarga tegishli qurilmalar va ular harakatlangan avtomobil tortib olindi.
“Jinoyatchilar ularning pasport, haydovchilik guvohnomasi va boshqa muhim hujjatlarini ham tortib olgan, biroq o‘zlariga ziyon yetkazmagan”, — deydi Sinaloa bosh prokurori o‘rinbosari Xulio Sesar Romanilyo.
Ma’lumot uchun, “Sinaloa” narkokarteli faoliyat olib boradigan shtat Meksikaning eng xavfli mintaqalaridan biri hisoblanadi. Yil boshidan beri bu yerda 360 ta qasddan qotillik sodir etildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)