Salvador ichimlik suvi ifloslanishi va zaxiralari kamayib ketishiga yo‘l qo‘ymaslik maqsadida dunyoda birinchi bo‘lib foydali qazilmalar qazib olishni to‘liq man etdi. Bu haqda “Interfaks” xabar bermoqda.
Markaziy Amerikadagi eng kichik davlat qonunchilik assambleyasi qazib olishga joriy etilgan moratoriyni to‘liq taqiqqa aylantiruvchi qonunni ko‘pchilik ovoz bilan qabul qildi. Mansabdor shaxslar, olimlar, lobbichilar va katolik cherkovi ushbu tashabbusni qo‘llab-quvvatladi.
Qonun ko‘mir, tuz qazib olish va tosh konlariga tegishli emas.
Ma’lumot uchun, Salvadorda atrof-muhitning ifloslanish darajasi mintaqada eng yuqorilardan biri (Gaitidan keyingi ikkinchi o‘rin), ichimlik suvi bilan ta’minlanganlik ko‘rsatkichi esa eng past hisoblanadi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)