Bir kunlik tashrif bilan Anqarada bo‘lib turgan AQSh davlat kotibi Reks Tillerson Suriya prezidenti Bashar Asadning taqdirini Suriya xalqi belgilashi kerakligini aytdi, deya xabar bermoqda “Kommersant”.
“O‘ylashimcha, Asadning uzoq muddatli maqomini Suriya xalqi belgilashi kerak”, — deydi Tillerson Turkiya tashqi ishlar vaziri Mavlut Chavusho‘g‘li bilan birga bo‘lib o‘tgan matbuot anjumanida.
Avvalroq, Suriya prezidenti Bashar Asad rasmiy Damashq AQSh prezidenti Donald Tramp ma’muriyati bilan hamkorlik qilishga imkoniyat ko‘rmayotganini ma’lum qilgan edi.
Shuningdek, Bashar Asad AQSh harbiylarining Suriyada bo‘lishi mamlakatga IShID ustidan g‘alaba qozonishda yordam bermasligini ham ta’kidlagan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)