Бразилиянинг Эспириту-Санту штатида маҳаллий полициячилар иш ташлаши натижасида кўчаларда зўравонлик ва талончилик авж олиб кетгач, камида 103 киши беш кун ичида жиноятчилар қўлидан ҳалок бўлди, деб ёзади «ТАСС».
Ҳудудда жиноятчилик авж олиб кетишига полициячилар ва ўт ўчирувчилар ўтган шанбадан буён маошлари оширилишини талаб қилиб ишга чиқмаётгани сабаб бўлди. Тартиб посбонлари сафига уларнинг оила аъзолари ҳам қўшилди.
Бразилия ҳукумати аввалроқ Эспириту-Сантуга тартиб ўрнатишга ёрдам бериш учун 1,2 минг нафар ҳарбий хизматчини юборган эди. Аммо бу етарли бўлмади. Яқин орада ҳудудга яна 550 аскар етиб келиши керак.
Изоҳ (0)