O‘zbekiston Markaziy banki boshqaruvi qayta moliyalash stavkasini yillik 9 foiz darajasida o‘zgartirmasdan qoldirish to‘g‘risida qaror qabul qildi. Bu haqda bank matbuot xizmati xabar bermoqda.
Qayta moliyalash stavkasining ushbu darajasi inflyatsiyaning maqsadli prognoz parametrlari doirasida bo‘lishini ta’minlash hamda investitsion faollikni rag‘batlantirish va yuqori iqtisodiy o‘sish sur’atlarini qo‘llab-quvvatlashga qaratilgan samarali pul-kredit siyosatini yuritish uchun xizmat qiladi.O‘zbekistonda qayta moliyalash stavkasi o‘zgarishi so‘nggi bor 2015-yil 1-yanvar kuni kuzatilgan bo‘lib, o‘shanda stavka yillik 10 foizdan 9 foizga tushirilgan edi.Markaziy bank matbuot xizmati
Ma’lumot uchun, 1995-yilning mart—iyun oylarida O‘zbekistonda qayta moliyalash stavkasi yillik 300 foizni tashkil etgan. O‘zbekistondagi qayta moliyalash stavkasining 1994—2017 yillardagi o‘zgarishi tarixini bu yerda ko‘rish mumkin.
Izoh (0)