AQSh prezidenti Donald Trampning Britaniyaga davlat tashrifini bekor qilish haqidagi onlayn-talabnoma 1,7 milliondan ortiq imzo to‘plagani sabab, Buyuk Britaniya deputatlari 20-fevral kuni mazkur masala yuzasidan muhokamalar o‘tkazadi. Bu haqda “Gazeta.ru” xabar bermoqda.
Debatlarda, shuningdek, Trampning tashrifini qo‘llab-quvvatlash maqsadida ochilib, 100 mingdan ortiq imzo to‘plagan petitsiya ham muhokama qilinadi.
Qayd etishlaricha, Trampning tashrifiga qarshi petitsiya to‘plagan imzolari soni bo‘yicha Britaniya tarixidagi ikkinchi o‘rindagi onlayn-talabnomaga aylangan.
Birinchi o‘rinda mamlakatning Yevropa Ittifoqidan chiqishi masalasida qaytadan referendum o‘tkazish talabi qo‘yilgan petitsiyadir — uni 4 milliondan ortiq odam imzolagan.
Avvalroq Buyuk Britaniya bosh vaziri Tereza Mey Britaniya va AQSh hamkorlikda ishlashni davom ettirishi kerakligini ta’kidlab, Donald Trampga yo‘llangan Britaniyaga tashrif buyurish taklifi o‘z kuchida qolishini ma’lum qilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)