Kongo Demokratik Respublikasida ikki vertolyotning qulashi oqibatida uch kishi halok bo‘ldi. “RIA Novosti” xabariga ko‘ra, qurbonlarning ikki nafari rossiyalik uchuvchilardir.
Kongo DR armiyasi generali Leon Mushalening ma’lum qilishicha, ekipajlarning yana uch a’zosi — taxminlarga ko‘ra, ular ham rossiyalik — jabrlangan.
Mushalening so‘zlariga ko‘ra, ikkita Mi-24 vertolyoti mamlakatning tog‘li hududlaridan birida “noqulay ob-havo sharoiti sabab” qulagan.
“Qidiruv ishlari davomida uch kishining jasadi topildi — biri Kongo DR armiyasi zobiti, qolgan ikkisi rossiyalik uchuvchi”, — deydi general.
Xabar berishlaricha, aviahalokat oqibatida yana bir rossiyalik uchuvchi kongolik isyonchilarning M23 jangovar guruhi tomonidan asirga olingan.
Reuters agentligi tarqatgan axborotga ko‘ra, M23 jangarilari Kongo DRning sharqiy qismida qulagan harbiy vertolyot ekipajining to‘rt a’zosini asir olgan.
Asir olinganlarning uch nafari qiynab o‘ldirilgan. Agentlik halok bo‘lganlarning qaysi mamlakatga mansubligini bildirmagan.
O‘z navbatida, M23’ning Ugandada joylashgan siyosiy qanoti vakili guruh jangarilari Kongo DR hududiga kirgani haqidagi xabarlarni rad etdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)