Urganch shahridagi ta’mirtalab holga kelib qolgan Oxund bobo tarixiy masjidi uchun Shavkat Mirziyoyevning tashabbusi bilan qayta qurish bo‘yicha loyiha ishlab chiqildi va u amalga oshirilmoqda. Bu haqda “O‘zbekiston” telekanali xabar berdi.
O‘zbekiston Prezidenti Shavkat Mirziyoyev Xorazm viloyatiga tashrifi doirasida, Oxund bobo masjidiga tashrif buyurib, bu yerdagi jarayon bilan tanishgan.
Loyihaga ko‘ra, yangi masjid 1500 namozxonga mo‘ljallangan. Masjid asosiy binosining balandligi 17 metrni tashkil etadi.
Binolar 40 metrlik minora, shuningdek, xonaqoh, yozgi ochiq ayvon, tahoratxona, imom-xatib va noib-imom xonasi, kutubxonadan iborat bo‘ladi.
Masjid atrofi obodonlashtirilib, turli manzarali daraxtlar va gul ko‘chatlari bilan ko‘kalamzorlashtiriladi.
“Mazkur ishlarga 4 milliard so‘m mablag‘ sarflanishi rejalashtirilgan”, — deyildi “O‘zbekiston” telekanali reportajida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)