Yaponiya NEC kompaniyasi O‘zbekistondagi vakolatxonasi rahbari Koji Nakamura Toshkent shahridagi Inha universitetiga (IUT) tashrif buyurdi. Bu haqda “Daryo”ga universitet mutasaddilari ma’lum qildi.
IUT’ga tashrifi doirasida Koji Nakamuraga Yaponiya kompaniyasining boshqa vakillari hamrohlik qildi. Qayd etish joizki, kompaniya O‘zbekistondagi axborot texnologiyalari sohasidagi bir qancha loyihalarda ishtirok etmoqda.
Toshkent shahridagi Inha universiteti rektori Sarvar Boboxo‘jayev NEC delegatsiyasini qutladi hamda universitetning tashkil etilish tarixi hamda AKT sohasida yuqori malakali kadrlarni tayyorlash faoliyati to‘g‘risida batafsil ma’lumot berdi.
Muzokaralar davomida IUT va NEC o‘rtasida hamkorlik o‘rnatish masalalari muhokama qilindi. Jumladan, Yaponiya kompaniyasi vakillari NEC texnologiyalari asosida universitetdagi ayrim jarayonlarni boshqarish bo‘yicha yechimlarni tatbiq etish taklifi bilan chiqdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)