Bugun, 29-yanvar kuni soat 19:00 da “Mening yurtim” (MY5) telekanalida “Islom Karimov — mustaqil O‘zbekiston asoschisi” filmi namoyish etiladi. Bu haqda O‘zbekiston elektron ommaviy axborot vositalari milliy assotsiatsiyasi saytida ma’lum qilindi.
“Bu film mamlakatning eng og‘ir va murakkab burilish davrida unga yetakchilik qilishda o‘zida kuch topa olgan inson — Islom Karimov haqida.
Filmda Islom Karimov hayoti, buyuk madaniyat va tarixga ega bo‘lgan xalqni hurlikka yetaklagan davrlari, mamlakat tinchligi va osoyishtaligi yo‘lida amalga oshirgan ishlari, O‘zbekistonni hech kimdan kam bo‘lmagan davlatga aylantirishi, qolaversa, bugungi yorug‘ kunlarga erishishdagi sobitqadamligi va jasorati aks ettiriladi”, — deyiladi film muqaddimasida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)