Chili prezidenti Mishel Bacheletning ma’lum qilishicha, mamlakatda davom etayotgan o‘rmon yong‘inlari oqibatida kamida 11 kishi halok bo‘lgan. Bu haqda “Kommersant” xabar bermoqda.
“Biz hech qachon bunday hodisa guvohi bo‘lmaganmiz, mamlakat tarixida bunday hodisa yuz bermagan”, — dedi Bachelet xonim.
Alanga mamlakatning yetti viloyatida jami 500 ming gektarga yaqin o‘rmon va qishloq xo‘jaligi ekinlarini yo‘q qilgan.
Yong‘indan jabr ko‘rga hududlarda favqulodda holat tartibi e’lon qilingan. Yong‘inlarni bartaraf etishda xalqaro hamjamiyat ham Chiliga yordam ko‘rsatmoqda.
Qayd etishlaricha, mamlakatda kuzatilayotgan qurg‘oqchil iqlim ham yong‘inning keng quloch yoyishiga imkon bermoqda.
Bundan tashqari, qasddan yong‘in keltirib chiqarishda gumon qilinib, hukumat kuchlari tomonidan 30 kishi hibsga olingan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)