Qozog‘iston prezidenti Nursulton Nazarboyev mamlakat xalqiga maxsus murojaat bilan chiqish qildi. “Kommersant”ning yozishicha, murojaat davlat televideniyesi orqali namoyish etilgan.
Nazarboyev Qozog‘istonda kutilayotgan hokimiyat taqsimoti islohoti haqida ma’lum qilgan.
Yangi sharoitlarda strategik funksiyalar, hukumat bo‘g‘inlari o‘rtasida hakam vazifasi bajarish prezident uchun muhim hisoblanadi. Shuningdek, davlat rahbari asosiy e’tiborini tashqi siyosat, milliy xavfsizlik, Qozog‘istonning mudofaa qobiliyatiga ham qaratadi. Ayni vaqtda, hukumat va parlamentning roli sezilarli oshadi.Ijtimoiy-iqtisodiy jarayonlarni tartibga solish bo‘yicha vakolatlarning bir qismi prezidentdan hukumatga va boshqa ijro etuvchi organlarga o‘tadi. Yangi tartibga ko‘ra, hukumat hozirgidek prezident saylovidan keyin emas, balki parlament quyi palatasi uchun o‘tkazilgan saylovlardan so‘ng iste’fo beradi.Nursulton Nazarboyev, Qozog‘iston prezidenti
Yangi hukumatni shakllantirish jarayonida parlament saylovida g‘olib chiqqan partiya ham qatnashadi. Qozog‘iston prezidenti “parlament palatalari tomonidan hukumat a’zolariga nisbatan ishonchsizlik bildirish” jarayonini ham soddalashtirishni taklif qildi.
Nazarboyevning alohida qayd etishicha, taklif etilayotgan konstitutsiyaviy islohotlar loyihasi referendumga qo‘yiladi.
Biz taklif qilayotgan islohotlar avvalo Qozog‘istonning o‘z tajribasi va ehtiyojiga tayanadi. Islohotlar dasturi — Qozog‘iston qaysi yo‘nalishda rivojlanadi, degan savolga javobimizdir. Javob aniq va ravshan — mamlakat demokratik taraqqiyot tomon harakatlanadi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.Nursulton Nazarboyev, Qozog‘iston prezidenti
Izoh (0)