Markaziy razvedka boshqarmasi o‘z saytida 1974-yili Shotlandiya qirg‘oqlari yaqinida AQSh va SSSR suvosti kemalarining to‘qnashuvi haqidagi maxfiylikdan chiqarilgan axborotni e’lon qildi. Bu haqda “Kommersant” xabar bermoqda.
Atom suvosti kemalarining to‘qnashuvi haqidagi telegramma AQSh prezidentining milliy xavfsizlik bo‘yicha maslahatchisi Brent Skoukroft tomonidan davlat kotibi Genri Kissenjerga yo‘llangan.
Ma’lum bo‘lishicha, James Madison suvosti kemasi Shotlandiyadagi Xoli-Lox AQSh harbiy-dengiz kuchlari bazasidan chiqishi bilan sovet submarinasi bilan to‘qnashib ketgan, ularning har ikkisi suv yuzasiga suzib chiqqan, keyinroq SSSR kemasi yana suv ostiga sho‘ng‘igan.
“Hozircha ko‘rilgan zarar darajasi haqida ma’lumotlar yo‘q. Sizni xabardor qilib turaman”, — deyiladi telegrammada. Mazkur hujjat bilan birga yana millionlab boshqa maxfiylikdan chiqarilgan ma’lumotlar ham e’lon qilingan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)