Қозоғистон президенти Нурсултон Назарбоев мамлакат халқига махсус мурожаат билан чиқиш қилди. «Коммерсантъ»нинг ёзишича, мурожаат давлат телевидениеси орқали намойиш этилган.
Назарбоев Қозоғистонда кутилаётган ҳокимият тақсимоти ислоҳоти ҳақида маълум қилган.
Янги шароитларда стратегик функциялар, ҳукумат бўғинлари ўртасида ҳакам вазифаси бажариш президент учун муҳим ҳисобланади. Шунингдек, давлат раҳбари асосий эътиборини ташқи сиёсат, миллий хавфсизлик, Қозоғистоннинг мудофаа қобилиятига ҳам қаратади. Айни вақтда, ҳукумат ва парламентнинг роли сезиларли ошади.Ижтимоий-иқтисодий жараёнларни тартибга солиш бўйича ваколатларнинг бир қисми президентдан ҳукуматга ва бошқа ижро этувчи органларга ўтади. Янги тартибга кўра, ҳукумат ҳозиргидек президент сайловидан кейин эмас, балки парламент қуйи палатаси учун ўтказилган сайловлардан сўнг истеъфо беради.Нурсултон Назарбоев, Қозоғистон президенти
Янги ҳукуматни шакллантириш жараёнида парламент сайловида ғолиб чиққан партия ҳам қатнашади. Қозоғистон президенти «парламент палаталари томонидан ҳукумат аъзоларига нисбатан ишончсизлик билдириш» жараёнини ҳам соддалаштиришни таклиф қилди.
Назарбоевнинг алоҳида қайд этишича, таклиф этилаётган конституциявий ислоҳотлар лойиҳаси референдумга қўйилади.
Биз таклиф қилаётган ислоҳотлар аввало Қозоғистоннинг ўз тажрибаси ва эҳтиёжига таянади. Ислоҳотлар дастури — Қозоғистон қайси йўналишда ривожланади, деган саволга жавобимиздир. Жавоб аниқ ва равшан — мамлакат демократик тараққиёт томон ҳаракатланади.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Нурсултон Назарбоев, Қозоғистон президенти
Изоҳ (0)