O‘zbekiston Respublikasi Prezidentining har bir tuman va shaharda Xalq qabulxonalari faoliyatini samarali tashkil etish yuzasidan topshirig‘i Namangan viloyatining chekka Yangiqo‘rg‘on tumanida qisqa muddatda uddalandi. Tuman moliya bo‘limi binosida Xalq qabulxonasi tashkil etildi va buning uchun 5 ta xona ajratildi. Bu haqda tuman hokimligi axborot xizmati xabar berdi.
— Xalq qabulxonasida konferens-zal, kutish, ro‘yxatga olish, ona va bola hamda tibbiyot xonalari tashkil etildi, zarur mebel va orgtexnika bilan jihozlandi. Ona va bola xonasi esa o‘yinchoqlar, o‘quv qurollari bilan ta’minlandi. Ish boshlash uchun barcha sharoitlar yaratildi. Ko‘zda tutilgan asosiy maqsad — fuqarolarning qonuniy murojaatlarini qisqa muddatda ko‘rib chiqish va hal etishni ta’minlashdir.Komiljon Rahmatullayev, tuman hokimligi tashkiliy-nazorat guruhi rahbari
Aholi Xalq qabulxonasi qulay joyda — Yangiqo‘rg‘on shaharchasi markazida, tuman hokimligi yaqinida tashkil etilganini e’tirof etdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)