Asosini “Paxtakor” futbolchilari tashkil qilgan O‘zbekiston termasini Gruziya bilan o‘yinda Eldor Shomurodov mag‘lubiyatdan qutqardi

BAAning Dubay shahrida yig‘in o‘tkazayotgan O‘zbekiston milliy terma jamoasi bugun, 23-yanvar kuni Gruziyaga qarshi o‘rtoqlik o‘yinida maydonga tushib, 2:2 hisobida durang o‘ynadi. Bu haqda O‘FF matbuot xizmati xabar bermoqda.

Dubaydagi The Sevens stadionida bo‘lib o‘tgan uchrashuvning birinchi bo‘limi yakunida Eldor Shomurodov hisobni ochishga muvaffaq bo‘ldi. O‘yinning 69-daqiqasida Teymuraz Shonia muvozanatni tikladi.

77-daqiqaga kelib Saba Lobjanidze Gruziyani oldinga olib chiqdi. 1 daqiqadan keyin Eldor Shomurodov dubl qayd etib, hisobni tenglashtirishga erishdi. O‘yinda boshqa gollar kiritilmadi va o‘yin 2:2 hisobida yakuniga yetdi.

Qayd etish kerakki, mazkur uchrashuvda “Paxtakor” klubining 8 nafar futbolchisi (7 nafari asosiy tarkibda) harakat qildi, ammo “Bunyodkor” a’zosi O‘zbekistonni mag‘lubiyatdan saqlab qoldi.

Eslatib o‘tamiz, yig‘in doirasidagi dastlabki o‘yinda yoshartirilgan tarkib bilan harakat qilgan Samvel Babayan shogirdlari Daniya U-23 termasiga mag‘lub bo‘lgandi.

O‘rtoqlik uchrashuviBAA, Dubay. The Sevens stadioni23-yanvar, dushanba

O‘zbekiston – Gruziya – 2:2

Gollar: Eldor Shomurodov (45, 78) – Teymuraz Shonia (69), Saba Lobjanidze (77)

Chetlatish: Azim Ahmedov (89)

O‘zbekiston: Aleksandr Lobanov, Stanislav Andreyev, Azim Ahmedov, Islom To‘xtaxo‘jayev, Davron Hoshimov, Javohir Sohibov, Otabek Shukurov (Salamat Quttiboyev, 80), Eldor Shomurodov, Jamshid Iskanderov, Marat Bikmayev (J.Masharipov, 57), Igor Sergeyev.

Gruziya: Roini Kvasxvadze, Ucha Lobjanidze, David Xocholava, Saba Lobjanidze (G.Xaraishvili, 82), Bachana Arabuli (L.Parunashvili, 57), Budu Zivzibadze, Otar Kiteishvili (G.Papunashvili, 89), Beka Tugushi (V.Dvalishvili, 70), Lasha Sergelashvili (J.Tabidze, 89), Giorgi Rexviashvili, Teymuraz Shonia (O.Mamasaxlisi, 83).