БААнинг Дубай шаҳрида йиғин ўтказаётган Ўзбекистон миллий терма жамоаси бугун, 23 январь куни Грузияга қарши ўртоқлик ўйинида майдонга тушиб, 2:2 ҳисобида дуранг ўйнади. Бу ҳақда ЎФФ матбуот хизмати хабар бермоқда.
Дубайдаги The Sevens стадионида бўлиб ўтган учрашувнинг биринчи бўлими якунида Элдор Шомуродов ҳисобни очишга муваффақ бўлди. Ўйиннинг 69-дақиқасида Теймураз Шониа мувозанатни тиклади.
77-дақиқага келиб Саба Лобжанидзе Грузияни олдинга олиб чиқди. 1 дақиқадан кейин Элдор Шомуродов дубл қайд этиб, ҳисобни тенглаштиришга эришди. Ўйинда бошқа голлар киритилмади ва ўйин 2:2 ҳисобида якунига етди.
Мавзуга доир: Грузияга қарши ўйинда Ўзбекистон термасини «Пахтакор» посбони Александр Лобанов сардор сифатида бошлаб чиқди
Қайд этиш керакки, мазкур учрашувда «Пахтакор» клубининг 8 нафар футболчиси (7 нафари асосий таркибда) ҳаракат қилди, аммо «Бунёдкор» аъзоси Ўзбекистонни мағлубиятдан сақлаб қолди.
Эслатиб ўтамиз, йиғин доирасидаги дастлабки ўйинда ёшартирилган таркиб билан ҳаракат қилган Самвел Бабаян шогирдлари Дания U-23 термасига мағлуб бўлганди.
Ўртоқлик учрашувиБАА, Дубай. The Sevens стадиони23 январь, душанба
Ўзбекистон – Грузия – 2:2
Голлар: Элдор Шомуродов (45, 78) – Теймураз Шониа (69), Саба Лобжанидзе (77)
Четлатиш: Азим Аҳмедов (89)
Ўзбекистон: Александр Лобанов, Станислав Андреев, Азим Аҳмедов, Ислом Тўхтахўжаев, Даврон Ҳошимов, Жавоҳир Соҳибов, Отабек Шукуров (Саламат Қуттибоев, 80), Элдор Шомуродов, Жамшид Искандеров, Марат Бикмаев (Ж.Машарипов, 57), Игорь Сергеев.
Грузия: Роини Квасхвадзе, Уча Лобжанидзе, Давид Хочолава, Саба Лобжанидзе (Г.Хараишвили, 82), Бачана Арабули (Л.Парунашвили, 57), Буду Zivзибадзе, Отар Китеишвили (Г.Папунашвили, 89), Бека Тугуши (V.Двалишвили, 70), Лаша Сергелашвили (Ж.Табидзе, 89), Гиорги Рехвиашвили, Теймураз Шониа (О.Мамасахлиси, 83).
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)