Senegal Gambiya prezidenti Yayya Jammening mandati tugashiga bir kun qolganida ushbu mamlakatga qo‘shin kiritdi, deb yozadi “TASS”.
Bu haqda Reuters Senegal armiyasidagi va gumanitar tashkilotlardagi manbalariga tayanib xabar berdi. Gambiya bilan chegarada joylashgan ikkita Senegal shaharlari fuqarolari ham harbiy xizmatchilar kolonnalari qo‘shni mamlakat hududiga kirganini aytdi.
Jamme hukumatni o‘zidan keyin davom ettiradigan odamga topshirishdan bosh tortgan edi.
Gambiya Milliy assambleyasi Jammega hokimiyat tepasida yana uch oy qolish uchun ruxsat beruvchi rezolyutsiyani qabul qildi.
19-yanvar kuni respublikaning 2016-yil 1-dekabrdagi saylovlarda g‘olib chiqqan yangi prezidenti Adama Barrou o‘z lavozimiga kirishishi kerak edi. Jamme dastlab mag‘lubiyatini tan oldi, ammo keyinroq saylov komissiyasining “yo‘l qo‘yib bo‘lmaydigan xatolari” haqida ma’lum qildi va yangi saylov o‘tkazishga chaqirdi. U saylov natijalaridan norozi bo‘lib, Oliy sudga shikoyat berdi.
Izoh (0)