AQSh Markaziy razvedka boshqarmasi 13 million hujjatdan iborat arxivini e’lon qildi

AQSh Markaziy razvedka boshqarmasi (MRB) 13 million hujjatdan iborat arxivini onlayn tarzda joylashtirdi. Bu haqda “TASS” xabar bermoqda.

CNN telekompaniyasiga ko‘ra, maxfiylik tamg‘asi olingan hujjatlar boshqarma tashkil etilgan 1947-yildan 1990-yilgacha bo‘lgan davrni o‘z ichiga oladi. Ular, jumladan, MRBning “sovuq urush” davri, shuningdek, Vyetnam va Koreyadagi harbiy mojarolar davomidagi faoliyatiga oydinlik kiritadi.

Razvedka boshqarmasi ushbu arxiv bilan tanishish imkoniyatini 2017-yil oxiriga qadar yaratishni rejalashtirgandi, biroq hujjatlarni chop etishga tayyorlash ishlari belgilangan muddatdan avval yakunlandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.