AQSh Ichki xavfsizlik vazirligi tarkibiga kiruvchi Maxfiy xizmat 100 dan ortiq qora tanli xodimlari bilan bog‘liq 200 ga yaqin ishni yopish uchun 24 million dollar tovon to‘lashga rozi bo‘ldi. Sudga yuborilgan hujjatlarga ko‘ra, federal agentlik tajribaliroq qora tanli hamkasblari o‘rniga oq tanli agentlarni xizmat pillapoyasidan ilgarilashiga sharoit yaratib bergan. Bu haqda TJournal xabar bermoqda.
Sud eshituvlari davomida Maxfiy xizmat aybini tan oldi va tovon to‘lashga rozi bo‘ldi. Dastlabki 8 da’vogar ishini yo‘qotdi, biroq bir marotabalik to‘lov sifatida 300 ming dollardan oladi.
Mazkur ish bo‘yicha birinchi da’volar Bill Klinton prezidentligi davrida qo‘zg‘algandi. Jumladan, yetakchi da’vogarlardan biri Rey Mur 200 martaga yaqin lavozimda ko‘tarishlarini so‘ragan, biroq oq tanli agentlarni tayyorlash bilan cheklangan va ular keyinchalik karyera borasida undan o‘zib ketgan.
Boshqa qora tanli agentlar rahbarlari va hamkasblari ular bilan muloqot chog‘ida haqoratli so‘zlardan foydalanganini ma’lum qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)