Сенегал Гамбия президенти Яйя Жамменинг мандати тугашига бир кун қолганида ушбу мамлакатга қўшин киритди, деб ёзади «ТАСС».
Бу ҳақда Reuters Сенегал армиясидаги ва гуманитар ташкилотлардаги манбаларига таяниб хабар берди. Гамбия билан чегарада жойлашган иккита Сенегал шаҳарлари фуқаролари ҳам ҳарбий хизматчилар колонналари қўшни мамлакат ҳудудига кирганини айтди.
Жамме ҳукуматни ўзидан кейин давом эттирадиган одамга топширишдан бош тортган эди.
Гамбия Миллий ассамблеяси Жаммега ҳокимият тепасида яна уч ой қолиш учун рухсат берувчи резолюцияни қабул қилди.
19 январь куни республиканинг 2016 йил 1 декабрдаги сайловларда ғолиб чиққан янги президенти Адама Барроу ўз лавозимига киришиши керак эди. Жамме дастлаб мағлубиятини тан олди, аммо кейинроқ сайлов комиссиясининг «йўл қўйиб бўлмайдиган хатолари» ҳақида маълум қилди ва янги сайлов ўтказишга чақирди. У сайлов натижаларидан норози бўлиб, Олий судга шикоят берди.
Изоҳ (0)