Qirg‘izistonda halokatga uchragan Boeing uchuvchilari jasadi Turkiyaga jo‘natilishi kutilmoqda

Qirg‘iziston poytaxtidagi “Manas” aeroporti yaqinida qulagan Boeing samolyotining 3 nafar uchuvchisi jasadi Turkiya tomoniga berildi va 19-yanvar, payshanba kuni vataniga jo‘natiladi. Bu haqda halokat sabablarini o‘rganish bo‘yich respublika shtabi vakili ma’lum qildi, deya xabar beradi “Interfaks”.

“Uch nafar uchuvchi jasadi Turkiya elchixonasi vakillariga topshirildi, ularni ‘Manas’ aeroportiga olib ketishdi.  Jasadlar terminalda bo‘lib turibdi va payshanba kuni ertalabki reys bilan vataniga yuborilishi kutilmoqda”, — deya ta’kidladi shtab vakili.

Qirg‘iziston sud-tibbiyot ekspertizasi markazida ekipajning to‘rtinchi a’zosiniki ekanligi taxmin qilinayotgan jasad qolmoqda. Jasad kuchli darajada kuygan va shaxsni aniqlash uchun DNK-ekspertiza talab etiladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.