AQSh maxsus xizmatlari Janubiy Amerikadagi harbiy tuzumlarni qo‘llab-quvvatlagani uchun sud oldida javob berishi lozim. Boliviya sobiq rahbari Luis Garsiya Mesa sodir etgan jinoyatlari uchun umrbod qamoq jazosiga hukm qilinganiga mamlakat prezidenti Evo Morales shunday izoh berdi, deya xabar beradi “TASS”.
Bu adolatli hukm, biroq hali yetarlicha emas. Vatanimizga mustabid tuzum hech qachon qaytib kelmasligi uchun AQSh maxfiy xizmatlari, xavfsizlik agentliklarida yashiringan tashkilotchilarga ayblov e’lon qilish va sud qilish lozim.17-yanvar, seshanba kuni Rim sudi Boliviya, Chili, Peru va Urugvayning 8 nafar sobiq harbiysi, jumladan, Luis Garsiya Mesa va Peru sobiq prezidenti Fransisko Morales Bermudesni umrbod qamoq jazosiga hukm qildi. Ularning barchasi Janubiy Amerika davlatlari harbiy tuzumlari birgalikda o‘tkazgan “Kondor rejasi” operatsiyasi davomida Italiya fuqaroligiga ega bo‘lgan muxolifatchilarni o‘g‘irlash va o‘ldirishda ayblandi.Evo Morales, Boliviya prezidenti
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)