АҚШ Ички хавфсизлик вазирлиги таркибига кирувчи Махфий хизмат 100 дан ортиқ қора танли ходимлари билан боғлиқ 200 га яқин ишни ёпиш учун 24 миллион доллар товон тўлашга рози бўлди. Судга юборилган ҳужжатларга кўра, федерал агентлик тажрибалироқ қора танли ҳамкасблари ўрнига оқ танли агентларни хизмат пиллапоясидан илгарилашига шароит яратиб берган. Бу ҳақда TJournal хабар бермоқда.
Суд эшитувлари давомида Махфий хизмат айбини тан олди ва товон тўлашга рози бўлди. Дастлабки 8 даъвогар ишини йўқотди, бироқ бир маротабалик тўлов сифатида 300 минг доллардан олади.
Мазкур иш бўйича биринчи даъволар Билл Клинтон президентлиги даврида қўзғалганди. Жумладан, етакчи даъвогарлардан бири Рэй Мур 200 мартага яқин лавозимда кўтаришларини сўраган, бироқ оқ танли агентларни тайёрлаш билан чекланган ва улар кейинчалик карьера борасида ундан ўзиб кетган.
Бошқа қора танли агентлар раҳбарлари ва ҳамкасблари улар билан мулоқот чоғида ҳақоратли сўзлардан фойдаланганини маълум қилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)