Turkmaniston prezidenti Gurbanguli Berdimuhammedov prezident apparati va hukumat ishlarini boshqaruvchi bosh vazir o‘rinbosari Shomuhammad Durdiliyev va yana bir bosh vazir o‘rinbosari Satlik Satlikovni ishdan bo‘shatdi, deb yozadi “RIA Novosti” mahalliy OAVlarga tayanib.
Tegishli qarorlar davlat rahbari tomonidan hukumatning 2016-yil yakunlari bo‘yicha kengaytirilgan majlisida qabul qilindi.
Hukumatda qurilish va elektr energetikasi uchun javobgar bo‘lgan Shomuhammad Durdiliyev Ashxobod meri, transport va aloqani nazorat qilgan Satlik Satlikov esa Bolqon viloyati hokimi etib tayinlandi.
Yangi bosh vazir o‘rinbosarlari esa bungacha Turkmaniston temir yo‘l vaziri lavozimida ishlagan Bayram Annameredov va “Turkmanavtoyo‘llari” davlat konserni raisi bo‘lgan Dadebay Amangeldiyev bo‘ldi.
Izoh (0)