Markaziy Amerikadagi jinoyatchilik darajasi eng yuqori bo‘lgan mamlakatlardan biri Salvadorda 2015-yil yanvaridan beri birinchi marta sutka davomida birorta ham qotillik qayd etilmadi. Bu haqda milliy politsiya direktori Govard Kotto ma’lum qildi, deya xabar beradi TJournal.
Oxirgi bor qotilliksiz kun 2015-yil 22 yanvariga to‘g‘ri kelgan. Undan oldin esa 2013-yilda kuzatilgandi.
2016-yil davomida Salvadorda sutkasiga o‘rtacha 14,4 qotillik ro‘y berdi. Prezident Sanches Seren jinoiy guruhlarga qarshi kurash boshlaganidan so‘ng o‘tgan yili qotilliklar 20 foizga pasaydi. Politsiya va armiya yordamida hukumat Salvadorning bir necha tumanlarida nazoratni tikladi.
O‘tgan yili mamlakatda har 100 ming aholiga 81 qotillik to‘g‘ri keldi. O‘ldirilganlar soni bo‘icha eng yuqori ko‘rsatkich 2015-yilga tegishli: o‘shanda har 100 ming aholiga 104 qotillik to‘g‘ri kelgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)