Bir nevaraning buvisi hisoblangan qo‘shiqchi Aziza Niyozmetova bir necha oy oldin navbatdagi marta ona bo‘ldi. Xonanda “Sug‘diyona” gazetasiga bergan intervyusida hisob bo‘yicha oltinchi farzandi haqida gapirib berdi, deya xabar bermoqda “Darakchi.uz”.
Hisob bo‘yicha kenjatoyim – oltinchi farzandim. Ulardan to‘rt nafari o‘zimniki. Ikki nafarini esa o‘z qaramog‘imga olganman. 44 yoshimda kenja qizimni tuqqanimdan keyin, sog‘lig‘imdagi ba’zi muammolardan forig‘ bo‘ldim.Aziza Niyozmetovaning qo‘shimcha qilishicha, u besh yil avval to‘ng‘ich qizini turmushga bergan; kuyovini ham o‘g‘lidek ko‘radi.Men uchun farzandlardan aziz ne’matning o‘zi yo‘q. Shuning uchun ba’zi odamlarning gap-so‘zi, hayratidan cho‘chib, farzanddan voz kechmayman. Xudo menga onalik baxtini taqdim etayotgan ekan, ularni, albatta, dunyoga keltiraman.
Katta qizim Nilufar 23 yoshda, Doston 20 yoshda, Miraziz 17 yoshda, Diyora 11 yoshda, Amira 2 yoshda va eng kichkina qizalog‘im Madina 5 oylik. Ularning barchasi mening quvonchlarim. Boriga shukr aytaman.
Aziza Niyozmetova, xonanda
Birinchi marta buvi bo‘lganimni eshitganimda Namangan gastrolida edim. Qudam buvi bo‘lganimizni aytganida, qanday sevinganimni ko‘rsangiz edi: chaqaloq endi dunyoga kelganu, men “Buvi bo‘ldimmi” deb entikib ketayapman!Ma’lumot uchun, xonanda Aziza Niyozmetova 1972-yil 27-yanvar kuni Xorazm viloyatida tavallud topgan.Hozir esa har buvijon deganida o‘sha ilk kunlardagi tuyg‘ular qayta jonlangandek bo‘ladi. Uyimizga kelganida iloji boricha birga vaqt o‘tkazishga harakat qilamiz.
Aziza Niyozmetova, xonanda
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)