Бир неваранинг бувиси ҳисобланган қўшиқчи Азиза Ниёзметова бир неча ой олдин навбатдаги марта она бўлди. Хонанда «Суғдиёна» газетасига берган интервьюсида ҳисоб бўйича олтинчи фарзанди ҳақида гапириб берди, дея хабар бермоқда «Darakchi.uz».
Ҳисоб бўйича кенжатойим – олтинчи фарзандим. Улардан тўрт нафари ўзимники. Икки нафарини эса ўз қарамоғимга олганман. 44 ёшимда кенжа қизимни туққанимдан кейин, соғлиғимдаги баъзи муаммолардан фориғ бўлдим.Азиза Ниёзметованинг қўшимча қилишича, у беш йил аввал тўнғич қизини турмушга берган; куёвини ҳам ўғлидек кўради.Мен учун фарзандлардан азиз неъматнинг ўзи йўқ. Шунинг учун баъзи одамларнинг гап-сўзи, ҳайратидан чўчиб, фарзанддан воз кечмайман. Худо менга оналик бахтини тақдим этаётган экан, уларни, албатта, дунёга келтираман.
Катта қизим Нилуфар 23 ёшда, Достон 20 ёшда, Миразиз 17 ёшда, Диёра 11 ёшда, Амира 2 ёшда ва энг кичкина қизалоғим Мадина 5 ойлик. Уларнинг барчаси менинг қувончларим. Борига шукр айтаман.
Азиза Ниёзметова, хонанда
Биринчи марта буви бўлганимни эшитганимда Наманган гастролида эдим. Қудам буви бўлганимизни айтганида, қандай севинганимни кўрсангиз эди: чақалоқ энди дунёга келгану, мен «Буви бўлдимми» деб энтикиб кетаяпман!Маълумот учун, хонанда Азиза Ниёзметова 1972 йил 27 январь куни Хоразм вилоятида таваллуд топган.Ҳозир эса ҳар бувижон деганида ўша илк кунлардаги туйғулар қайта жонлангандек бўлади. Уйимизга келганида иложи борича бирга вақт ўтказишга ҳаракат қиламиз.
Азиза Ниёзметова, хонанда
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)