Биз доимо гўзал ва соғлом бўлиш мақсадида косметолог ва гўзаллик салонлари хизмати учун пулимизни ҳам, вақтимизни ҳам аямаймиз. Баъзи тадбирларни ўзимиз ҳам уйда осонгина бажара оламиз. Лекин ҳаммасини эмас! Биз уйда бажариб бўлмайдиган тадбирлар рўйхатини туздик.
Фото: «Weekend.rambler.ru»
Чёлка кесиш
Кўпчилик чёлка кесишни уйда ҳам бажариш мумкин деб ўйлаб хато қилади. Чунки, сочни ўз ишининг устаси бўлмаган киши тўғри кеса олмайди.
Соч рангини бутунлай ўзгартириш
Агар сиз оқарган соч илдизларини бўямоқчи бўлсангиз, буни бемалол уйда бажаришингиз мумкин. Лекин сиз қора сочларингизни сариққа ёки аксини қилмоқчи бўлсангиз, яхшиси бунинг учун мутахассислар хизматидан фойдаланганингиз маъқул.
Қошни ип ёки мум билан териш
Уйда ортиқча тукларни олиш ва қошга тўғри шакл бериш учун мўйчинакдан фойдаланишингиз мумкин. Буни ип ёки мум ёрдамида амалга оширишни маслаҳат бермаймиз, чунки бу жуда нозик иш бўлиб, қошингиз шаклини бузиб қўйишингиз мумкин.
Ҳуснбузарни сиқиш
Агар юзингиздаги ҳуснбузар чуқур бўлса, уни сиқиш терининг яллиғланишига олиб келади. Ҳуснбузарларни кетказмоқчи бўлсангиз, мутахассис шифокордан маслаҳат олганингиз маъқул.
Изоҳ (0)