O‘zbekiston Respublikasi Moliya vazirligi saytida “‘Toshkent metropoliteni Yunusobod yo‘nalishi ikkinchi bosqichi qurilishi’ loyihasini amalga oshirish choralari to‘g‘risida”gi qaror matni chop etildi. Bu haqda “Anons.uz” xabar bermoqda.
Hujjatga ko‘ra, Toshkent shahar hokimligi va “O‘zbekiston temir yo‘llari” AJ tomonidan Toshkent metropoliteni Yunusobod yo‘nalishi ikkinchi bosqichi qurilishini 2017—2019-yillarda yakunlash to‘g‘risida taklif kiritilgan.
124,8 million dollar qiymatidagi mazkur loyihani moliyalashtirish manbalari sifatida 72 million dollar ekvivalentidagi davlat budjeti mablag‘i hamda O‘zbekiston tiklanish va taraqqiyot fondining 52,8 million dollar miqdoridagi krediti ko‘zda tutilgan.
Loyihani samarali amalga oshirish, jalb etilayotgan mablag‘lardan maqsadli foydalanish uchun mas’ul ijrochi organ etib “O‘zbekiston temir yo‘llari” AJ belgilangan. Loyihaning barcha qatnashchilari 2020-yil 1-yanvargacha ayrim soliq va to‘lovlardan ozod qilingan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)