O‘zbekiston Prezidenti Shavkat Mirziyoyev 3-yanvar kuni “Korrupsiyaga qarshi kurashish to‘g‘risida”gi qonunni imzoladi, u chop etilgan kundan e’tiboran kuchga kirdi, deb yozadi “Gazeta.uz”. Hujjat matni 4-yanvar kuni “Narodnoye slovo” gazetasida chiqdi.
Qonunning maqsadi korrupsiyaga qarshi kurashish sohasidagi munosabatlarni tartibga solishdan iborat. Hujjatda “korrupsiya”, “korrupsiyaga oid qonunbuzarlik” va “manfaatlar to‘qnashuvi” tushunchalariga ta’rif berilgan.
Hujjatga muvofiq, korrupsiyaga qarshi kurashishning asosiy prinsiplari qonuniylik; fuqarolarning huquq, erkinlik va qonuniy manfaatlari ustunligi; ochiqlik va shaffoflik, tizimlilik; davlat va fuqarolik jamiyatining o‘zaro hamkorligi; korrupsiyaning oldini olish bo‘yicha choralarning ustunligi va mas’uliyatning muqarrarligi hisoblanadi.
Shuningdek, qonunda davlat siyosatining korrupsiyaga qarshi kurash sohasidagi asosiy yo‘nalishlari, davlat boshqaruvi sohasidagi korrupsiya oldini olish bo‘yicha chora-tadbirlar, ijtimoiy-iqtisodiy taraqqiyot va tadbirkorlik sohasidagi korrupsiya oldini olish bo‘yicha choralar sanab o‘tilgan.
Izoh (0)