Futbol bo‘yicha Angliya premyer-ligasining 20-turidan joy olgan yana 3 ta o‘yin bo‘lib o‘tdi. Bunga qadar o‘tkazilgan 6 ta o‘yin natijasi shu havolada berilgan.
Boxing Day’dagi so‘nggi o‘yinida “Bornmut” mehmoni bo‘lgan “Arsenal” 3 ta gol farqi bilan ortda bora turib, yakunda hisobni tenglashtirishga muvaffaq bo‘ldi. Jamoani qutqaruvchi golga Olivye Jiru mualliflik qildi.
Ochko yo‘qotgani uchun London klubi o‘zi uchun sevimli bo‘lgan 4-o‘rinda qolib ketdi. Bugun tunda bo‘lib o‘tadigan o‘yin “Tottenhem”ning g‘alabasi bilan nihoyasiga yetsa, “Arsenal” turnir jadvalida 5-o‘ringa qarab sho‘ng‘iydi.
Ketma-ket uch tur davomida raqiblariga yirik hisobda imkoniyatni boy bergan “Suonsi” va nihoyat zafar quchdi. Bunga qadar bosh murabbiy Bob Bredlini iste’foga chiqargan uelsliklar, yangi mutaxassis — Sem Ellardays bilan harakat qilayotgan “Kristal Pelas” maydonida 3 ochko ishladi.
Qayd etish kerak, Sem Ellardays “Kristal Pelas”dagi ilk o‘yinida “Uotford” bilan 1:1 hisobida durang o‘ynagandi. Keyingi ikki turda esa “Arsenal” va “Suonsi”ga imkoniyatni boy berdi.
Angliya premyer-ligasi 20-tur bellashuvlari 3-yanvar, seshanba
“Bornmut” — “Arsenal” 3:3
Gollar: Charli Deniyels, 16 (1:0). Kallum Uilson, 20-pen (2:0). Rayan Freyzer, 58 (3:0). Aleksis Sanches, 70 (3:1). Lukas Peres, 75 (3:2). Olivye Jiru, 90+2 (3:3).Chetlatish: Saymon Frensis, 83 (B).“Kristal Pelas” — “Suonsi” 1:2
Gollar: Alfi Mouson, 42 (0:1). Uilfrid Zaxa, 83 (1:1). Anxel Ranxel, 88 (1:2).“Stok Siti” — “Uotford” 2:0
Gollar: Rayan Shoukross, 45+3 (1:0). Piter Krauch, 49 (2:0).4-yanvar, chorshanba“Tottenhem” — “Chelsi”
Izoh (0)