Футбол бўйича Англия премьер-лигасининг 20-туридан жой олган яна 3 та ўйин бўлиб ўтди. Бунга қадар ўтказилган 6 та ўйин натижаси шу ҳаволада берилган.
Boxing Day’даги сўнгги ўйинида «Борнмут» меҳмони бўлган «Арсенал» 3 та гол фарқи билан ортда бора туриб, якунда ҳисобни тенглаштиришга муваффақ бўлди. Жамоани қутқарувчи голга Оливье Жиру муаллифлик қилди.
Очко йўқотгани учун Лондон клуби ўзи учун севимли бўлган 4-ўринда қолиб кетди. Бугун тунда бўлиб ўтадиган ўйин «Тоттенҳэм»нинг ғалабаси билан ниҳоясига етса, «Арсенал» турнир жадвалида 5-ўринга қараб шўнғийди.
Кетма-кет уч тур давомида рақибларига йирик ҳисобда имкониятни бой берган «Суонси» ва ниҳоят зафар қучди. Бунга қадар бош мураббий Боб Брэдлини истеъфога чиқарган уэльсликлар, янги мутахассис — Сэм Эллардайс билан ҳаракат қилаётган «Кристал Пэлас» майдонида 3 очко ишлади.
Қайд этиш керак, Сэм Эллардайс «Кристал Пэлас»даги илк ўйинида «Уотфорд» билан 1:1 ҳисобида дуранг ўйнаганди. Кейинги икки турда эса «Арсенал» ва «Суонси»га имкониятни бой берди.
Англия премьер-лигаси 20-тур беллашувлари 3 январь, сешанба
«Борнмут» — «Арсенал» 3:3
Голлар: Чарли Дениелс, 16 (1:0). Каллум Уилсон, 20-пен (2:0). Райан Фрейзер, 58 (3:0). Алексис Санчес, 70 (3:1). Лукас Перес, 75 (3:2). Оливье Жиру, 90+2 (3:3).Четлатиш: Саймон Фрэнсис, 83 (Б).«Кристал Пэлас» — «Суонси» 1:2
Голлар: Алфи Моусон, 42 (0:1). Уилфрид Заха, 83 (1:1). Анхель Ранхель, 88 (1:2).«Сток Сити» — «Уотфорд» 2:0
Голлар: Райан Шоукросс, 45+3 (1:0). Питер Крауч, 49 (2:0).4 январь, чоршанба«Тоттенҳэм» — «Челси»
Изоҳ (0)