“Yunayted” va Mourinyo Boxing Day’dagi har uch o‘yinda ham zafar quchishga muvaffaq bo‘ldi

Futbol bo‘yicha Angliya Premyer-Ligasining 20-turiga kelib Joze Mourinyo murabbiylik qilayotgan “Yunayted” Londonda “Vest Hem”ni mag‘lub etdi — 2:0.

Bellashuvning 15-daqiqasiga keliboq Mayk Din mezbonlardan Sofian Feguliga qizil kartochka ko‘rsatib, uni maydondan chetlatdi. Ikkinchi bo‘limga kelib esa Xuan Mata va Zlatan Ibrahimovich tomonidan urilgan gollar uchrashuv taqdirini hal qildi.

Ibrahimovich gol urayotgan vaqtida o‘yindan tashqari holatda ekanini ko‘rish mumkin. Bu gol bilan shved futbolchisi mavsum davomidagi muvaffaqiyatli zarbalarini 13 taga yetkazib oldi. To‘purarlar ro‘yxatida 14 ta gol urgan “Chelsi” hujumchisi Diyego Kosta birinchi bo‘lib turibdi.

Ma’lumot uchun, “Yunayted” o‘z maydonida kechgan bellashuvda “Vest Hem”ni mag‘lub eta olmagandi — 1:1. Boxing Day doirasida esa “qizil iblislar 9 ochko ishlab oldi. Slaven Bilich boshchilik qilayotgan “Vest Hem” esa bunda 3 ochkoni qo‘lga kiritdi. Klub bir tur avval “Lester”dan ham yengilgandi.

20-turning yakuniga yetgan 5 ta o‘yini natijasi bilan shu havola orqali tanishish mumkin.

Angliya Premyer-Ligasi 20-tur bellashuvlari 2-yanvar, dushanba

“Vest Hem” — “Manchester Yunayted” 0:2

3-yanvar, seshanba“Bornmut” — “Arsenal”“Kristal Pelas” — “Suonsi”“Stok Siti” — “Uotford”“Tottenhem” — “Chelsi”