Футбол бўйича Англия Премьер-Лигасининг 20-турига келиб Жозе Моуриньо мураббийлик қилаётган «Юнайтед» Лондонда «Вест Ҳэм»ни мағлуб этди — 2:0.
Беллашувнинг 15-дақиқасига келибоқ Майк Дин мезбонлардан Софиан Фегулига қизил карточка кўрсатиб, уни майдондан четлатди. Иккинчи бўлимга келиб эса Хуан Мата ва Златан Ибраҳимович томонидан урилган голлар учрашув тақдирини ҳал қилди.
Ибраҳимович гол ураётган вақтида ўйиндан ташқари ҳолатда эканини кўриш мумкин. Бу гол билан швед футболчиси мавсум давомидаги муваффақиятли зарбаларини 13 тага етказиб олди. Тўпурарлар рўйхатида 14 та гол урган «Челси» ҳужумчиси Диего Коста биринчи бўлиб турибди.
Маълумот учун, «Юнайтед» ўз майдонида кечган беллашувда «Вест Ҳэм»ни мағлуб эта олмаганди — 1:1. Boxing Day доирасида эса «қизил иблислар 9 очко ишлаб олди. Славен Билич бошчилик қилаётган «Вест Ҳэм» эса бунда 3 очкони қўлга киритди. Клуб бир тур аввал «Лестер»дан ҳам енгилганди.
20-турнинг якунига етган 5 та ўйини натижаси билан шу ҳавола орқали танишиш мумкин.
Англия Премьер-Лигаси 20-тур беллашувлари 2 январь, душанба
«Вест Ҳэм» — «Манчестер Юнайтед» 0:2
Голлар: Хуан Мата, 63 (0:1). Златан Ибраҳимович, 78 (0:2).Четлатиш: Софиан Фегули, 15 (V).3 январь, сешанба«Борнмут» — «Арсенал»«Кристал Пэлас» — «Суонси»«Сток Сити» — «Уотфорд»«Тоттенҳэм» — «Челси»
Изоҳ (0)