Boxing Day. Defoning 2 ta goli sabab “Liverpul” ochko yo‘qotdi, “Siti” esa bir kishi kam o‘ynab, zafar quchdi

Futbol bo‘yicha Angliya Premyer-Ligasida 2-davra bellashuvlari rasman start oldi va bu o‘ziga xos Boxing Day’ga to‘g‘ri keldi.

Chempionlik uchun kurash olib borayotgan “Liverpul” futbolchilari APLning eng shimoliy klubi hisoblangan “Sanderlend” maydoniga tashrif buyurib, 2 ochko yo‘qotdi. Bellashuvda Yurgen Klopp shogirdlari ikki bor hisobda oldinga chiqib olgan bo‘lsa-da, har ikki safar ham Jermeyn Defo penaltini aniq amalga oshirib, muvozanatni tiklashga muvaffaq bo‘ldi.

Ma’lumot uchun, tomonlarning “Enfild”da bo‘lib o‘tgan o‘yinida mezbonlar 2:0 hisobida zafar quchishga muvaffaq bo‘lgandi.

Bir tur avval “Liverpul”dan mag‘lub bo‘lgan “Manchester Siti” bu safar o‘z maydonida qiyin g‘alabaga erishdi. “Byornli”ga qarshi safar o‘yinida bo‘lgani kabi, bu safar ham 2:1 hisobi qayd etildi.

O‘yinning uchdan bir qismi ortda qolgan bir vaqtda “Siti” maydonda bir kishi kam bo‘lib qolgandi. Shunga qaramay, Xosep Gvardiola shogirdlari o‘z irodasini namoyish qila oldi va turnir jadvalida 3-o‘ringa ko‘tarildi.

Kunning markaziy o‘yini Liverpul shahrida o‘tib, unda “Everton” futbolchilari “Sautgempton” darvozasiga javobsiz 3 ta gol urishga muvaffaq bo‘ldi. Tomonlarning “Sautgempton” maydonida kechgan to‘qnashuvi mezbonlarning 1:0 hisobidagi g‘alabasi bilan yakuniga yetgandi.

Angliya Premyer-Ligasi 20-tur bellashuvlari 2-yanvar, dushanba

“Midlsbro” — “Lester” 0:0

“Vest Bromvich” — “Xall Siti” 3:1

“Manchester Siti” — “Byornli” 2:1

“Sanderlend” — “Liverpul” 2:2

“Everton” — “Sautgempton” 3:0

“Vest Hem” — “Manchester Yunayted”

3-yanvar, seshanba“Bornmut” — “Arsenal”“Kristal Pelas” — “Suonsi”“Stok Siti” — “Uotford”“Tottenhem” — “Chelsi”