Футбол бўйича Англия Премьер-Лигасида 2-давра беллашувлари расман старт олди ва бу ўзига хос Boxing Day’га тўғри келди.
Чемпионлик учун кураш олиб бораётган «Ливерпуль» футболчилари АПЛнинг энг шимолий клуби ҳисобланган «Сандерленд» майдонига ташриф буюриб, 2 очко йўқотди. Беллашувда Юрген Клопп шогирдлари икки бор ҳисобда олдинга чиқиб олган бўлса-да, ҳар икки сафар ҳам Жермейн Дефо пенальтини аниқ амалга ошириб, мувозанатни тиклашга муваффақ бўлди.
Маълумот учун, томонларнинг «Энфилд»да бўлиб ўтган ўйинида мезбонлар 2:0 ҳисобида зафар қучишга муваффақ бўлганди.
Бир тур аввал «Ливерпуль»дан мағлуб бўлган «Манчестер Сити» бу сафар ўз майдонида қийин ғалабага эришди. «Бёрнли»га қарши сафар ўйинида бўлгани каби, бу сафар ҳам 2:1 ҳисоби қайд этилди.
Ўйиннинг учдан бир қисми ортда қолган бир вақтда «Сити» майдонда бир киши кам бўлиб қолганди. Шунга қарамай, Хосеп Гвардиола шогирдлари ўз иродасини намойиш қила олди ва турнир жадвалида 3-ўринга кўтарилди.
Куннинг марказий ўйини Ливерпуль шаҳрида ўтиб, унда «Эвертон» футболчилари «Саутгемптон» дарвозасига жавобсиз 3 та гол уришга муваффақ бўлди. Томонларнинг «Саутгемптон» майдонида кечган тўқнашуви мезбонларнинг 1:0 ҳисобидаги ғалабаси билан якунига етганди.
Англия Премьер-Лигаси 20-тур беллашувлари 2 январь, душанба
«Мидлсбро» — «Лестер» 0:0
«Вест Бромвич» — «Халл Сити» 3:1
Голлар: Роберт Снодграсс, 21 (0:1). Крис Брант, 49 (1:1). Гарет Маколи, 62 (2:1). Жеймс Моррисон, 73 (3:1).«Манчестер Сити» — «Бёрнли» 2:1
Голлар: Гаэль Клиши, 58 (1:0). Серхио Агуэро, 62 (2:0). Бенжамин Ми, 70 (2:1).Четлатиш: Фернандиньо, 32 (М).«Сандерленд» — «Ливерпуль» 2:2
Голлар: Даниэль Старриж, 19 (0:1). Жермейн Дефо, 25-пен (1:1). Садио Мане, 72 (1:2). Жермейн Дефо, 84-пен (2:2).«Эвертон» — «Саутгемптон» 3:0
Голлар: Эннер Валенсия, 73 (1:0). Лейтон Бейнс, 80-пен (2:0). Ромелу Лукаку, 89 (3:0).«Вест Ҳэм» — «Манчестер Юнайтед»
3 январь, сешанба«Борнмут» — «Арсенал»«Кристал Пэлас» — «Суонси»«Сток Сити» — «Уотфорд»«Тоттенҳэм» — «Челси»
Изоҳ (0)