Америкалик сенатор Жон Маккейн «АҚШдаги президентлик сайловларига таъсир этишга ҳаракати» учун Россияга нисбатан янги санкциялар жорий этишни талаб қилди. Бу ҳақда «РБК» хабар бермоқда.
Литвага ташрифи давомида Маккейн республикачи сенатор Линдси Грем билан бирга Америка сайловларига аралашишга урингани учун Россияга қўлланилаётган санкциялар кенгайтирилишини талаб қилишда давом этишини билдирди.
Шу билан бирга, Маккейн Россиянинг аралашуви президентлик сайловлари натижаларига ҳал қилувчи таъсир ўтказганига шубҳа билан қарашини таъкидлади.
Эслатиб ўтамиз, АҚШнинг сайланган президенти Дональд Трамп Россияга қарши янги санкциялар жорий қилиш тарафдорларига ўз ҳаёти билан шуғулланишни маслаҳат берганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)