Американинг Арканзас штати прокуратураси судга мурожаат қилиб, Amazon компаниясидан қотилликни текшириш учун Amazon Echo «ақлли динамик» маълумотларини тақдим этишни талаб қилди, деб ёзади «Корреспондент.net». Терговчилар қурилма Виктор Коллинзнинг 2015 йил 22 ноябрда Бентовилл шаҳрида ўлдирилиши билан боғлиқ суҳбатларни ёзиб олган бўлиши мумкин, деб тахмин қилди.
Полиция Коллинзнинг жасадини унинг ўртоғи Жеймс Бейтснинг уйидаги ваннадан топиб олди. Бейтсга айблов эълон қилинди. Amazon’дагилар полиция талабларини ортиқча деб топди.
Компаниянинг расмий вакили Amazon юридик талаб бўлмаган тақдирда ўз мижозлари маълумотларини эълон қилмаслигини айтди.
Amazon Echo ички микрофонга эга динамик бўлиб, у одамнинг нутқига жавоб кўрсатади: уни ёзиб олади ва булутли омборхонага юборади.
Август ойида судья қурилмадан барча ёзувларни олиш учун ордер ёзиб берди. Бироқ терговга фақат аккаунт ҳақидаги ахборот берилди, холос.
Изоҳ (0)