Кубада Фидель Кастро шарафига жамоат жойларини номлаш ман этилди
Куба расмийлари яқинда вафот этган мамлакат инқилоби етакчиси Фидель Кастро шарафига кўчалар, боғлар ва бошқа жамоат жойларини номлашни ман этди. Ҳукумат шу тариқа шахсга сиғиниш юзага келишининг олдини олиш ниятида, дея маълум қилди TJournal.
Мамлакат парламенти 27 декабрь, сешанба куни бу борадаги тегишли қонунни маъқуллади. Жамоат жойларида Кастро номидан фойдаланишни тақиқлашдан ташқари, расмийлар унинг сиймосини ёдгорликларда фойдаланишни ҳам ман этди.
Маълумот учун, Кубанинг амалдаги раҳбари Рауль Кастро акаси ҳаётлик чоғида ҳам буни ёқтирмагани учун Фидель атрофида шахсга сиғинишни юзага келтирмасликни ваъда қилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
