Pokistonda sifatsiz alkogoldan zaharlanish qurbonlari soni 39 kishiga yetdi. 150 kishi kasalxonalarga yotqizildi, ularning ko‘pchiligi behush holatda. Bu haqda “Interfaks” xabar bermoqda.
Oldinroq alkogol tarkibidagi metanoldan zaharlanish oqibatida 32 kishi halok bo‘lgani bildirilgandi.
Ayni paytda voqea yuz bergan Panjob viloyati politsiyasi jabrlanganlar sifatsiz alkogolni qayerdan olganini aniqlashga urinmoqda.
“Xristian erkaklar 25-dekabr, Rojdestvo kuni alkogol iste’mol qilgan va uy-uyiga tarqagan. Ertalab ularning ko‘pchiligi uxlab yotganda olamdan o‘tgani, boshqalari esa o‘zini yomon his etgani ma’lum bo‘ldi”, — deya ta’kidladi politsiya vakillari.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)