Chegara bilmayotgan Xitoy futbol klublari deyarli har kuni 1 ta shov-shuvli transferga qo‘l urmoqda. Lionel Messi uchun yiliga soliqlardan tashqari sof 100 million yevro taklif qilayotgan ham, Zlatan Ibrahimovichga esa har yili 120 million sanab bermoqchi bo‘lgan ham, “Yuventus” tarkibiga sig‘may qolgan Karlos Tevesni jahonda eng katta maosh oladigan futbolchiga aylantirgan ham aynan Xitoy klublari hisoblanadi.
Bu taqiqlanganmi?
Ha, Xitoyda xorijiy darvozabonlar bilan shartnoma tuzish 2001-yildayoq rasman taqiqlab qo‘yilgan. Bu haqda “Championat.asia” Squawka nashriga asoslanib ma’lumot berdi. Bunga sabab sifatida chet ellik posbonning mahalliy darvozabonlarning o‘sishiga halal berishi mumkinligi ko‘rsatilgan. Oqibatda bu Xitoy terma jamoasiga qimmatga tushishi mumkin ekani aytilgan.1994—2000-yillar oralig‘ida Xitoy klublari bor-yo‘g‘i 3 nafar legioner bilan shartnoma tuzishi mumkin edi. 2001-yilga kelib 4 nafar xorijiy futbolchiga ruxsat etildi. Biroq maydonda ularning 3 nafari harakat qilishga haqli.
Bu ish beryaptimi?
Xitoylik posbonlar bu qarorlardan keyin o‘sishga erishgan deb ma’lumot berilmoqda. Masalan, “Guanjou Evergrand” klubi posboni Jen Chen Xitoy termasi darvozasini ishonchli qo‘riqlaydi. Uning mehnatlari “Guanjou Evergrand”ning Osiyo Chempionlar Ligasida g‘olib chiqishiga olib keldi.
O‘zbekistonda qanday?
O‘zbekiston ham Xitoyning izidan bormoqda. 2016-yilgi mavsum mamlakat Oliy Ligasida birorta ham xorijlik posbon ko‘rinish bermadi. Avvalgi mavsumlarda “Neftchi” va “Navbahor” klublari legioner darvozabonlar xizmatidan foydalanayotgandi.O‘zbekistonda 3 nafar xorijiy va 1 nafar osiyolik futbolchi harakat qilishi mumkin. Xuddi Osiyo Chempionlar Ligasida bo‘lgani kabi. Biroq darvozabonning xorijdan bo‘lishiga cheklov bor.
Izoh (0)