Rossiya prezidenti Vladimir Putin Turkiyada o‘ldirilgan elchi Andrey Karlov bilan vidolashish marosimida ishtirok etishi tufayli uning 22-dekabrga mo‘ljallangan an’anaviy katta matbuot anjumani qoldiriladi. Bu haqda prezidentning matbuot kotibi Dmitriy Peskov ma’lum qildi, deya xabar beradi “Gazeta.ru”.
“22-dekabr, payshanbada Rossiyaning Turkiyadagi elchisi Andrey Karlov bilan vidolashish va dafn marosimi o‘tkazilishi tufayli prezident shu kuni har yillik katta matbuot anjumanini o‘tkazmaslikka qaror qildi. U motam marosimlarida ishtirok etadi”, — deya ta’kidladi matbuot kotibi.
Peskovga ko‘ra, prezidentning matbuot anjumani ertasiga, 23-dekabrga ko‘chiriladi. Jurnalistlarning akkreditatsiyasi va tadbirni o‘tkazishning boshqa shartlari o‘z kuchida qoladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)