Checheniston rahbari Ramzan Qodirov New York Daily News nashrining elchi Andrey Karlovning o‘ldirilishi haqidagi materiali yuz bergan fojiani oqlashi va qo‘llab-quvvatlashini bildirdi. Bu haqda “Gazeta.ru” xabar bermoqda.
“Amerikaning New York Daily News gazetasi Andrey Karlovning o‘ldirilishi oqlangan va qo‘llab-quvvatlangan materialni chop etdi. Bu o‘taketgan surbetlik, qayg‘uga zarracha hamdardlik alomatlarining yo‘qligi, terrorchilikning oshkora yoqlanishidir.
Qotilni bevosita yoki bilvosita qo‘llab-quvvatlaganlarning islomga hech qanday aloqasi yo‘q, ular dinning ashaddiy dushmanlaridir”, — deb yozgan Qodirov Instagram’dagi sahifasida.
Rossiya TIV rasmiy vakili Mariya Zaxarova gazetadan Turkiyada o‘ldirilgan Rossiya elchisi fashistlar Germaniyasi elchisiga taqqoslangan mazkur maqola uchun kechirim so‘rashni talab qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)