Rossiya, “agarda Tojikiston tomoni zimmasiga olgan majburiyatlarni bajarmasa”, 22-dekabrdan e’tiboran ushbu mamlakat bilan aviaaloqani to‘xtatishini aytib tahdid qildi. Bu haqda RF transport vazirligi bayonotida aytildi, deb xabar beradi “Interfaks”.
“Tojikiston aviama’muriyati Rossiyaning ‘Yamal’ aviakompaniyasiga Xo‘jand–‘Jukovskiy’ yo‘nalishi bo‘yicha parvoz amalga oshirishiga ruxsat bermasligi huquqiy asosga ega emas”, — deyiladi bayonotda.
Vazirlikning eslatishicha, 2016-yil 7-dekabrda Tojikiston vakillari “Jukovskiy”–Dushanbe va “Jukovskiy”–Xo‘jand yo‘nalishlari bo‘yicha Rossiya aviakompaniyalarining parvoz tartiblarini qabul qilgan edi. Muzokaralarda Rossiyaning ikki aviakompaniyasi tilga olingan edi: “Uralskiye avialinii” va “Yamal”.
Izoh (0)