Ўзбекистон халқ артисти Озодбек Назарбеков 17 декабрь, шанба куни Туркманистон пойтахти Ашхободда концерт дастурини тақдим этди. Бу ҳақда Atavatan Turkmenistan нашри хабар бермоқда.
Концерт Ашхободдаги 10 минг томошабинга мўлжалланган Қишки спорт турлари саройида бўлиб ўтган.
Хабар беришларича, Озодбек Назарбеков концерт давомида Туркманистон президенти Гурбангули Бердимуҳамедов сўзи ва мусиқаси билан ёзилган қўшиқни ҳам куйлаб, «томошабинларнинг катта олқишига сазовор бўлган».
Instagram’да Озодбек Назарбековнинг Туркманистондаги концертидан видеопарчалар эълон қилинган.
«Юқори ҳароратда саҳнада! Соғлиғининг ёмонлашгани, касаллик ҳам санъаткорнинг концертига тўсқинлик қила олмади!», — деб ёзади Instagram’даги @fattohhoncom саҳифаси.
https://www.instagram.com/p/BOJpz-RhIbh/
Аввалроқ, Озодбек Назарбеков саломатлиги ёмонлашгани боис Тошкентда ташкил этилган «Мавсум хитлари» концерт дастурида қатнаша олмагани ҳақида хабар берилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)